Today ....




27-11-2015
14:03

காலை 8:00  மணிக்கே கிளம்பி
    காரில் பத்தமடை sscch போய், ஒண்டியிருந்த விடுதியை, மனையை
     ஒழித்து, தறகாலியமாக கொடுத்து,
திரும்பும் சமயம் மணி காலை 11:00.
    திருமதி விருப்படியே, பழைய
தினசரிகளை, பழையபேப்பர் கடை
   தேடி, காசாக்கிக் கொடுத்ததை
வாங்கி திரும்பினோம், நெல்லைக்கு.

திரும்பும் போதே, கேட்டாளவள்,
    திருநெல்வேலியில் வீட்டுக்கா,
இல்லை, பிஸியோதரபியா என்று.
     இடையே, மரு.பிரபாகர் கொடுத்த
அறிவுரைப்படி, சென்னை செல்லவும்  
    மரு.ரகுநந்தன் ஆலோசனை மேல்,
மூட்டசைவு வைத்தியம் எடுக்கவும்
    ஒப்புக்கொண்டே திரும்பினோம்.

மூட்டசைவு வைத்தியம் என்பது,
   மூன்று மாதங்களாக அசையாமல்,
முடங்கி விட்ட மூட்டை, மயக்கம்
   மூலம் அசைத்து விடுதலே ஆகும்.
(manipulation under G.A)
மயக்கம் என்றதுமே, மனதில் அச்சம்
   எழ, என்னவள் கேட்டாள், எவ்வளவு
நேரமாகும் என்று."அதெல்லாம் 5/10
     நிமிடமே ஆகும், பயமில்லை"என
ஆறுதல் கொடுத்தாரவர், உடனேயே.
    அதற்கும் சரியென்று வந்தோம்.


அடுத்து பாலாவின் பிஸியோதரபி,
அதையடுத்து வீடு, சாப்பாட்டுக்காக.
அப்புறம் காக்காத் தூக்கம், 15 நிமிடம்
அதன்பின் மாலைக்காபி, பிஸியோ.
அந்தியில் தொ(ல்)லைக் காட்சிச்
    செய்திகள், தொடர்ந்து சிலபல
அறுந்த ஒளியோட்டம், இரவில் பல்
    துலக்கல், தூக்கத்திற்கு முயற்சி !

பட்ட காலிலே படும்.

03-08-2015
10:36

பிறந்த நாள் ஆகஸ்ட் 2,
புரண்ட நாளாகி விட்டது ,
   சிவசைலத்தில்.2 ம் தடவை ,
    கோவிலுக்குப் போகாமல் ,
     குளிக்க ஆறு நோக்கி ஓடுகையில்,
புல்தடுக்கி, பாதம் பிறல்ந்து,
முன்னோக்கி ஓடி, பாலன்ஸ்
    தவறி, விழுந்து எழுந்த வேளை,
     வலது தோள்மூட்டு நழுவியது.     
        அதிகமில்லை; ஆனாலும் கை
தூக்க இயலவில்லை, தோளுக்கு
    மேலே. வலி, வலிதாகிக் கொண்டே
        போக, ஆர்த்தோ டாக்டர்  இடம்,
           அறிவுரை வாங்கி  வீடடைந்தேன்,
                 அடுத்த நாள் லீவு போட்டேன்..

06-08-2015
11:03

தோள்வலிக்கு தோள்மூட்டு பூட்டுதனைப்
    போட்டேன், மூன்று நாள்; பரவாயில்லை.
தோப்புக்கரணம் ஒரு பயிற்சியே,மூட்டுவலிக்கே.
   தோல்வி கண்டேன்; வலது கை இடது
தோளுக்கு கொண்டு செல்ல முடியாததால்.
   தோன்றாத் துணைவன் இறைவனைத்
தோத்திரத்தால் வேண்டி, தொழுது வணங்கி
    தோளும், சிரமும் தரையில் பட்டெழுந்தேன்.
வலிசிறிது குறைந்தது, இப்போ,
    வலியும் குறயும், தினமும் வணங்க.
     உடல்
வலிமையும் கூடும், வணங்குதல் நன்றே.
   வணங்கும் முன்னே பார்க்க வேண்டும்,
வனிதாமணி யாரும் முன்னே இல்லையென,
   வம்பு வழக்கு வரவாய்ப்பில்லை அல்லவா.
வல்லவன் இறைவன் அவனே, வலியைக் கொடுத்து,    வலியை குறைக்கும் வைத்தியரும் அவனே !




சென்னையில், 10ம் தேதி ஒரு
   செகண்ட் ஒபீனியனுக்காக பலர்
யோசனையில், வை.பிரேம்குமார்,
   எம்.எஸ்(ஆர்தோ) சந்தித்தேன்,
சைலு, வெங்கடேஷ் உதவிஉடன்.
   கன்சல்டேஷன் தொடர்ந்தது,
எம்ஆர்ஐ  எடுக்கச் சொல்லியனுப்பி
   ஸ்கேன் வேர்ல்டு வந்துள்ளோம்.,

வானவூர்தி பயணம்.

08-08-2015
10:10

புரபெல்லர் சுழண்டது, காலை9:35,
புறப்பட்டே விட்டது, ஸ்பெசிஜெட்.
அரைமணி நேரம், திருச்சி காவேரி,
அடுத்த அரை அவர் சென்னையே.
பாலாற்றைக் கடந்து பறந்தது,10:20,
10 மணித்துளியில் வங்காளவிரிகுடா!
வட்டமிட்டது, கடலின் பக்கம்,
வந்தேவிட்டது, மீனம்பாக்கம் !
அடையாறு நெளிந்தோடுது அழகாக
அடுக்கு மாடி தெரியுது, அடுத்தாக.
கத்திபாரா பாலம், கண்ணுக்குக்
கவர்ச்சி, வாகனங்கள் வரிசையாய்
வந்து இறங்கும் அழகு, அடடாஅடடா,
வரவேற்றான், மகிழ்வுடன் மகனும்.
விமானநிலையம் இறங்க 11:00,
வீட்டையடைய மணியும் 12:00.
ஒரே மணிநேரம் விமானப் பயணம்,
ஒரு மணி நேரம் கார் பயணம், வீடு !

10-08-2015
19:36

அரைமணி காத்திருப்பு ஸ்கேனில்,
அரைமணி உள்ளிருப்பு அதனுள்ளே.
ரிசப்சன் கிளி சொன்னது: 4:30க்கு வா.
ரிட்ர்ன் டூ ஹோட்டல், 3:00 மாலை,
மத்தியானச்சாப்பாடு இப்போதான்.
மறுபடியும் ஸ்கேன், ரிப்போர்ட் பெற.
ஆர்வமிகுதியால் நானும் பார்க்க,
அய்யோ, முற்றும் கிழிவு என்றிருக்க,
அடி விழுந்தது,   ஆபரேசன்தான் தீர்வு.

பிரேம்குமார் எம்மார்ஸ்கேனைப்
   பார்த்து, தலையசைத்து பின்தன்
பிரண்ட், பெரிய டாக்டர் லெனினைப்
   பார்க்கச் சொல்லி வழிப்படுத்தவே,
அவரைத் தேடிக் கண்டுபிடித்தோம்.
    அவரும் பரிசோதித்து, சிடிஸகேன்
ஒன்று எடுக்கச் சொல்லி அத்துடன்,
    ஒவ்வொரு பிளட் யூரின் முதலியன
எழுதிக்கொடுத்தார்; ஸர்ஜரி முடிவு.

மறுநாள் உறவுகள் மூன்றாவது
    மறுஆஃவு கேட்கலாமே என்று ,
மூன்றாவதாக, போன் & ஜாயின்ட்
     முன்பு நின்றோம்; இவர் மகள்
தோழியின் மைத்துனராம். இவர்
    சொன்னமுறை என்னை ஈர்க்க,
நானும் தலையாட்ட, மனைவியோ,
    நாலாவது ஒபீனீயன் வேண்டினாள்.

அடுத்ததாக, மந்தவெளி சுப்பிரமணி,
   அன்பர் வை.திருமலை சொல்படி
பார்த்தோம்; என் வயதொத்தவர்,
    என் எண்ணப்படியே, ஆர்த்தோ
ப்ளாஸ்டியையே ஆதரித்தார், ஆம்.
   எனில் அவர் கைகாட்டும் இடமே
ஏற்றது என்றார், வாழ்க்கைக்கும்.
     எனச் சொல்லி முகவரியும் தந்தார்.

அன்னார் சொன்ன முகவிலாசம்,
   அண்ணாநகரில் இருந்தது. காரை
அப்பக்கம் திருப்பி ஓட்டினோம்.
    அம்முகவரி கணடுபிடித்தோம்.
அவ்வைத்தியர் கண்டு பேசினோம்.
   அத்தனையும் பரிசோதித்து எனை
அன்புடன் அறுவை முறைகளை
    ஆர்வமுடன் விவரித்துச் சொல்லி
அனுப்பி வைத்தார், 17/7/2015 அன்று
     ஆப்ரேசனுக்கு நாளும் குறித்து.

ஐந்தாம் நாள்

13-08-2015
11:25

காலையில் அசோகனது மெயில்,
கண்டுகொண்டு பதிலைப் படித்து,
குறையொன்றும் இலையிதில் எனத்
தெளிந்து, திரும்பவும் அண்ணநகர்
சென்று, வை.ஜெகநாதனைச்
   சந்தித்து, இரண சிகிச்சை பற்றி
சகலரும் தெரிந்துக் கொண்டு, 
   சவுகரியப்படி தேதி குறித்து,
சீபராஸ் திரும்பி, உணவு அருந்தி,
   சிரமபரிகாரம் எடுத்து, மாலை
சீப்ராஸில் சுற்றி நடைப்பயிற்சி
   சிறிது நேரம் நடந்து திரும்பினோம்.

நுழைவுத் தேர்வு !

17-08-2015
19:38

திங்கள் மாலை, 6:15 க்கு, எஸ்4ல்,
சென்றடைந்தோம், ரதி.மெட்.
புன்சிரிப்புடன் வாயிற்காப்போன்,
மென்சிரிப்புடன்  மரு. ஜெகநாதன்,
எஃகோ வாங்கி, இருக்கை தந்து,
எட்டு நிமிடத்தில் வந்த மயக்க
நிபுணரிடம் அறிமுகம் செய்தார்.
நேரடியாய் என்னைச் சோதித்த
மரு.கைலாசம் மதுரை மாணவரே.
முதுகலை மதுரையில் முடித்தவர்.